Nasapwan na lamang nga patay na ang isa ka lalaki sa baybayon sang BREDCO sa Bacolod Domingo sang hapon. Ang 45 anyos nga biktima nga taga sa Ilo-ilo ang wala lang gin hingadlan kay gin ayo sang pamilya.
Suno kay PCapt. Glenn Montaño, hepe sang Police Station 2 , una nga nakit-an sang gwardiya sa puerto ang biktima.
Nangayo siya sang bulig kag ginlumpat ni P01 Mark Bantillo sang Philippine Coast Guard sa tubig agud luwason ang biktima apang sang gin-revive wala nagid sang pulso.
Suno sa pulis, ang biktima may appointment kun tani sa Bacolod. Gindul-ong ini sang iya asawa sa Dumanggas port kag ginasakay RoRo padulong diri.
Gina usisa pa kun nahulog lang ang biktima, hungod nga ginhulog ukon naglumpat gikan sa roro bangud wala sang saksi sa insidente.