![](https://i0.wp.com/digicastnegros.com/wp-content/uploads/2023/10/image-27.png?resize=810%2C456&ssl=1)
Wala pa sa gihapon nakilala ang lalaki nga nasapwan nga patay sa katubuhan sa Barangay Napoles sa Bago City.
Sa imbestigasyon sang Bago City PNP, may saksi nga nakakita sang duha ka motor nga gin park sa lugar sang krimen kag may nakita man nga duha ka persona nga nagaistoryahanay.
Nakabati sang apat ka mga lupok ang saksi sang maka lampuwas na sa lugar.
Naka helmet ang suspek nga nga gilayon nagpalagyo.
May isa pa ka persona nga naka kita sa biktima nga nagahapa kag madamo sang dugo sa lawas.
Suno sa hepe sang Bago City PNP nga si PLt.Col. Jay Malong, may igo sang bala sa ulo, kamot kag likod ang biktima nga buhi pa sang ginkuha sa crime scene apang napatay sa ospital.
May dala nga tooter ang biktima suno kay Malong kag isa sa karon sa ginalantaw nga anggulo sa krimen ang illegal nga droga.
Ginpanawagan ang mga may mga himata nga missing nga makig angut sa PNP.