Ginpasa-pasahan sa social media ang screen shot sang CCTV video sang pagsulod sang wala makilal-an nga lalaki sa isa ka puluy-an sa Barangay Sum-ag sa Bacolod City.
Sa post ni Jaysel Bergman, nabugtawan niya ang nakapalagyo nga lalaki nga hana mangawat sa ila balay sa Purok KBS.
Gani inoras man matapos ginpaandam ni BCPO Director Col. Noel Aliño, nagsungka ang menor de edad upod sa iya nga abyan sa Police Station 9 sang Lunes sang hapon.
Suno kay Aliño may pila pa ka mga persona nga nagapanaka-saka man sang puluy-an ang “gina-hunting” na karon sang kapulisan.
Nagtalana naman sang masobra 2,000 ka mga police personnel ang BCPO agud nga mapasiguro ang kalinong ilabi na sa pagsaulog sang Masskara Festival sa siudad karon nga Oktubre.