Matapos sang siyam ka adlaw nga pag pangita, tigayon nga na aresto kahapon sang kapulisan ang 41 anyos nga si Ronilo Casipong matapos makapalgyo ini sa detention cell sang Nobyembre 21.
Suno kay Captain Ronald Santillan, nag pakuno kuno sadto si Casipong nga naga sakit ang tyan kag sang gin tagaan ini tubig sang jailer, iya gin tiklod kag nag palagyo.
Sa nabukid nga bahin sang Barangay Cabia-an nakita kahapon ang suspek sang mag panugid sa pulis ang mga residente nga diri siya nag panago.
Si Casipong nga may kaso nga other forms of sexual assault ang detained na liwat sa karon sa Candoni PNP.