Mismo si Talisay City Mayor Neil Lizares ang nagsiling nga ang lalaki sa viral video nga nagpanaya kag nagpalupok sang pusil sa agrarian reform beneficiaries sa Hacienda San Antonio Dos sa Barangay Dos Hermanas ang under probation sa kaso nga illegal possession of firearm kag threats.
Ginmando man sang alkalde ang full blown investigation sa amo nga kaso.
Suno naman kay Lt. Col. Salvador Trono Jr., hepe sang Talisay City PNP padayon ang manhunt operation batuk sa amo nga persona.
Pasakaan siya sang kaso nga violation sang Comelec Gun Ban, grave threats kag illegal discharge of a firearm.
Sang Biyernes sang nag viral ang video sang amo nga lalaki nga nagpanaya kag nagpalupok sang pusil.
Nangin mainit ang sitwasyon sa tunga sang mga partido angut sa away sa duta sa amo nga lugar.
Ginmando man sang alkalde sa PNP ang pag monitor sa sitwasyon sa area.