Patay ang 40 anyos nga si Ricardo Cabison matapos tiruhon sang wala pa makilal-an nga suspetsado sang Miyerukles sa Barangay Tapi sa siudad sang Kabankalan.
Sa imbestigasyon sang PNP, naga tambong lang sa haya ang biktima sang hinali siya nga tiruhon sang gunman.
Sang matumba liwat pa ini nga gin luthang sang duha ka beses nga nag resulta sa iya kamatayon.
Duha ka basiyo sang 45 caliber pistol ang na recover sang kapulisan sa crime scene.
Suno kay Lieutenant Joemel Salarda, deputy chief sang Kabankalan PNP, ang biktima nga si Cabison ang yara sa drugs wathclist sang PNP.
Pero personal nga away ang gina lantaw karon sang PNP nga motibo sa pag patay kay Cabison.