Patay si Patrolman Israel Mahilum, 35 anyos matapos nabunggo sa railings ang iya gina dala nga motorsiklo Biyernes sang gab-i sa national highway, Brgy. Tabao Proper, banwa sang San Enrique.
Suno sa hepe sang San Enrique PNP nga si Police Major Leo Estopa ang pulis ang taga Binalbagan kag na-assign sa Pontevedra PNP.
Gikan siya sa Iloilo kay gin-interview siya para sa iya kun tani nga promotion kag nag-biyahe pabalik na sa Pontevedra sang natabo ang insidente.
Base sa panaysayon sang mga saksi, wala sang iban nga salakyan nga involve kag nakita na lang nga nagbalang-balang ang motorsiklo nga ginadala sang biktima tubtub nga ini ang nakabunggo sa railings sa higad sang dalan.
Suno kay Estopa, posible nga napiyungan ang biktima samtang naga dala sang motor papauli.
May mga pilas siya sa lawas kag gindeklarar nga dead on arrival pag abot sa Valladolid District Hospital.