Nagasaot sa baylehan ang biktima sang siya ang ginbuno kag napatay sang iya man lang man mismo nga pakaisa sa Purok 2, Barangay Mambugsay sa banwa sang Cauayan Lunes sang kaagahon.
Nagasaulog sang kapiyestahan ang purok sang nagluntad ang insidente.
Nagwa sa imbestigasyon nga gin-akbayan sang suspek nga si alyas “Brian” ang biktima nga si alyas “Rey,” 32-anyos, isa ka construction worker, kag ginbuno.
Natumba ang biktima kag liwat ini nga ginbuno sang suspek.
Napilasan man sa insidente ang isa nila ka himata nga nagtambag kag nag-agaw sang kutsilyo halin sa suspek.
[sibwp_form id=1]