Banwa sang La Castellana ang nag pa gwa na sang Executive Order nga temporaryo naga dumili sang pag pa sulod sang buhi nga baboy, similla sang baboy, karne sang baboy kag mga pork-derived products gikan sa mga lugar sagwa sang banwa.
Ang EO nga gin pag gwa ni Mayor Añejo Nicor sini nga Lunes, Hunyo 22 ang effective gilayon.
Tuyo sang amo nga tikang sang Municipal Agriculturist nga ma pabaskog ang biosecurity measures sang banwa kasunod sang report sang pagmasakit kag pag ka patay sang mga baboy sa mga kaiping nga lugar.
Damlag pa ang Alliance of Hog Raisers Association of Negros Occidental ang nag report sang pag kapatay sang mga baboy sa Himamaylan, Kabankalan kag Ilog. May mga napatay man nga mga baboy sa Valladolid.
Suno kay Remuel Lajo, ang PIO sang banwa, maga butang sila sang mga checkpoint sa mga barangay nga nagaserbe nga boundary sa mga entry points sa iban nga lugar sa pag pasiguro nga mapatuman ang pag dumili sang pagsulod sang baboy sa La Castellana.
Nag pakig-angut naman sila sa Moises Padilla kag Isabela nga katupad nila nga banwa. Sa tunga sang mga kabalaka karon, klaro ni Lajo wala sila may na monitor nga kaso sang ASF.
Ang luyag nila nga mapangapinan ang kasapatan kag negosyo sa banwa sa amo nga tikang.
“Ang amo nga mga negosyante diri, mga naga baligya baboy, naga pangumpra, naga bakal sila indi lang diri sa banwa. Kun kis-a galibot na sila. Tapos may ara man naga sulod man di, just like ang Moises Padilla. Amo na nag coordinate kami sa Isabela, at least may isa kami ka, indi mag pasulod sang outside”, suno kay Lajo.
Samtang, ang Moises Padilla ang nag pa gwa naman sang EO nga naga dumili sang illegal kag unauthorized nga pag baligyaa sang imported nga karne kag meat products nga wala sang nagakaigo nga permit kag clearance gikan sa banwa.
Ang EO ang ginpa gwa ni Mayor Ella Celestina Garcia Yulo sini nga June 22 kag gilayon nga maga take effect.
[sibwp_form id=1]