Sa Biyernes natalana nga mag present sang ila nga contingency plan ang La Castellana kag Canlaon City enkaso nga magsaka sa alert level 4 ang bulkan Kanlaon.
Sini lamang nakigsapol si Task Force Kanlaon head, Raul Fernandez kanday Mayor Rhummyla Nicor-Mangilimutan kag Chubasco Cardenas para personal nga ma review ang updated nga contingency plan. Sa initial assessment, isa sa luyag niya nga tutukan sang La Castellana amo ang kadamuon sang truck nga paga gamiton sa pag evacuate sang 40,000 ka pumuluyo kun magsaka sa alert level 4. Sa karon may apat lamang ka available nga truck ang banwa rason nga kun mahimo maga buhat sila sang MOA para mapun-an ang kakulang.
Sa bahin naman sang Canlaon City padayon ang ila nga pag establish sang ila nga mangin relocation site kag pila sa gina hatagan nila konsiderasyon ang lugar sa Prosperidad sa San Carlos kag sa Brgy Binalbagan sa Canlaon City mismo. Suno kay Fernandez isa sa gina lantaw sang OCD amo ang pag gamit sang mga unoccupied nga mga housing projects sang gobyerno nga temporaryo nga gamiton sang mga evacuees para indi man manugon ang proyekto. Iga activate karon nga hapon sang OCD ang contingency plan review team kag sa Biyernes maga present ang LGU sang ila nga contigency plan sa Regional Inter-Agency Coordinating Cell.
Kabahin na ini sang luyag sang pamuno sang OCD nga ma angkon ang detalyado nga contigency plan.
“This will be on Friday, una naming isasalang si La Castellana to assess their preparedness at the same time para malaman din namin yung mga gaps so that the respective NGAs could provide sa assistance and projects para ma suportahan yung plano ng LGUs natin”, suno kay Fernandez.