Shadow

Demolition sa Brgy. 12 sa Bacolod sa Pebrero 28 na ipatuman

Nagpasalamat si Barangay 12 Punong Barangay JR Alcantara nga nagsugot si Mayor Albee Benitez nga mapaisol sa Pebrero 28 ang natalana nga demolisyon sang mga balay sa likod sang Manokan Country sa reclamation area.

Ini makaligad nga iya ini maistorya upod sa mga barangay kagawad nga naghinyo agud matagaan sang dugang pa nga tinion ang 22 ka mga apektado nga pamilya nga makasaylo na sa gintalana nga relocation area.

Kahapon una nga ginsiling sang alkalde nga wala niya natan-aw ang posibilidad nga maliwat ang natalana nga demolition sa Enero 28. Kinahanglan masuguran ang demolition sa mga ginakabig illegal structures sa likod sang Manokan agud nga masuguran na sang SM Prime Holdings Incorporated ang pag-develop sang lugar kabahin sang 3-hectare property sang siudad nga ila gin-arkilahan.

Secured By miniOrangeSecured By miniOrange