Ginkilala sang probinsya ang papel sang mga kababainhan kadungan sa National Women’s Month Celebration.
Isa ka programa ang ginsakdag sa social hall sang Provincial Capitol. Suno kay Negros Occidental Governor Eugenio Jose Lacson, daku ang papel sang kababainhan sa national building, sa sosyadad kag bisan gani sa workforce sang probinsya – 58 percent sini mga babaye kag mayoriya sa mga department kag division heads mga babaye.
Sa patag man sang negosyo ukon sa panghimanwa sang gobyerno daku ang nalab-ot sang kababainhan.
Pero suno sa gobernador indi pa man lubos nadula ang epekto sang cultural expection nga naga apekto sa gihapon sa ginalauman nga equality nga ginatuyo nga malambot.
Pero pahanumdom niya sa mga kababainhan sang Kapitolyo Probinsyal sila ang naga serbe nga inspirasyon sa kadam-an.
Yara man sa programa sanday board members Rita Gatuslao kag Ryan Gamboa. Ginhatagan sang token kag bulak ang mga kababainhan sa pagkilala sa ila sang importansya.