Na-comatose humalin Martes sang gab-i ang konduktor nga si Renan Isugid, 22 anyos matapos mahulog gikan sa sa modernized jeepney sang Martes sang gab-i sa Barangay Villamonte sa Bacolod.
Makita pa sa CCTV footage sa sulod sang salakyan nga nakadaho pa sang sinsilyo ang konduktor kag sa pagbalik niya sa iya nga gina tindugan hinali na lang ini nahulog sa puertahan. Nakibot na lang ang mga pasahero nga nahulog na siya.
Suno sa utod ni Renan nga si Rose Bantilan hinali na lang nga nagbukas ang puertahan sang salakyan gani nahulog ang iya nga utod.
Dugang pa ni Rose nga base sa CT scan sa ulo sang biktima nakita nga may crack ini sa nawala nga side kag may internal bleeding.
Kaina sang utdo iya ginkumpirma nga napatay si Renan.
Kuntani suno sa iya maga serbe ini nga leksyon sa tanan nga konduktor pati na sa mga pasahero nga doble sa paghalong kay pwede ini matabo bisan kay sin-o.