Humalin Enero tubtob March 15, may 1,338 ka kaso sang dengue ang na report sa probinsya sang Negros Occidental.
Padayon ang pag saka sang kaso sang dengue. Kun ipaangid sa kasubong nga tion sang 2024, suno sa Provincial Health Office 395.56 percent ini nga nagsaka.
Ang siudad sang Bago sa gihapon ang may pinaka madamo nga kaso sang dengue nga na report – 265.
Nagapabilin sa anum ang dengue related deaths kag ini ang gikan sa Isabela, Murcia, San Carlos City, Ilog, Silay City kag Manapla.
11 to 20 years old ang age group nga may pinaka madamo nga apektado sang Dengue.
Ginsiling ni Negros Occidental Governor Eugenio Jose Lacson nga wala untat ang panawagan sa publiko nga mag mangin responsable sa palibot labi na ang pag pabilin sini nga matinlo nga amo naman ang naga panguna nga tikang para mapamatukan ang dengue.