Ginahulat pa sang Commission on Elections Negros Island Regiona ang official communication gikan sa COMELEC Manila bahin sa approval sa ila nga recommendation sa areas of concern sa gina paabot nga piniliay.
Pero sa gin-release sang COMELEC Manila kahapon, sa 36 ka mga lugar nga gin-tag bilang red category, nalakip gikan sa NIR ang Guihulgan City kag La Libertad.
Damlag pa na classify ang duha sa idalom sang orange category.
Suno kay COMELEC NIR Director, Lionel Marco Castillano, isa ka semana na ang nagligad sang iya nga napadala sa Gun Ban and Security Concerns Committee ang recommendation sa areas of concern.
Magluwas sa Guihulngan kag La Libertad nga gin-report sa red category, luyag niya man mapat-od kun na aprobahan man ang pag recommend sang Candoni kag Basay sa idalom sang orange category.
Ang nabilin naman nga mga lugar sa Negros Oriental ang gin-recommend sa yellow category kag ang bilog nga Siquijor kag bilog nga lugar sa Negros Occidental magluwas sa Candoni ang green category.
Sa national report na downgrade na gikan sa yellow category sadtong padulong sa green category ang San Enrique kag Isabela.
“Yung ibang recommendation namin hindi yata. Hindi pa na ano. Pero, subject to validation to ng Gun Ban and Security Concern Committee kasama dyan ang PNP, AFP, yung security sector na i-validate pa yung mga recommendation. So far ang lumabas lang doon yung Guihulgan and La Libertad”, suno kay Castillano.
Ang green nagatumod sa mga lugar nga wala sang security concerns.
Ang na classify naman yellow ang mga lugar nga may history sang election-related incidents sa nag ligad nga duha ka eleksyon, posible pag gamit sang private armed groups, kag pag luntad sang election-related incidents.
Ang orange category naman mga lugar nga gina kabig areas of immediate concern kun sa diin may yara sang serious armed threats.
Ang Red naman naga tumod sa areas with grave concern kag may yara sang combined factors gikan sa yellow category kag serious armed threats.