Amay nga ginapatihan nagtimalus para sa iya anak nga gin-alegar ginhimuslan ang pasakaan sang kaso nga murder.
Siya kag ang apat pa ka john does ang responsable sa pagtiro-patay sa 20 anyos nga grade 11 student.
Natalana nga ipasaka sang katapo sang Police Station 5 sa Bacolod ang kaso nga murder batuk sa gunman kag sa apat pa niya ka wala makilal-an nga kaupdanan nga may kahilabtanan sa pagtiro patay sa 20 anyos nga si Nicus Balagosa sang Barangay Granada sang nagligad nga Hunyo 2.
Sa video nga kuha sa CCTV camera makit-an ang suspek nga nagsulong sa balay sang biktima upod sa apat pa ka mga persona.
Ang biktima nga nanago sa kwarto iya gintiro kag napatay.
Ginsiling ni Police Captain Portia Nillosan, commander sang Police Station 5, ila pa gina-usisa kun nasal-an lamang sang suspek ang biktima nga isa sa naghimulos sa iya menor de edad nga anak nga babaye.
Ang anak sang nakapalagyo nga gunman ang schoolmate sang grade 11 nga biktima.
Samtang, pasakaan naman sang kaso nga rape sang kapulisan ang duha ka mga abyan ni Balagosa nga amo ang ginatudlo responsable sa paghimulos sa anak sang gunman.