Ginakabig high value individual nga katapo sang drug group gindakop sang makuhaan sang kapin P1M nga balor sang shabu sa buy-bust operation sang kapulisan sa Bacolod.
Anum tanan ka mga dalagko nga sachet sang suspected shabu ang gin-alegar narekober sang katapo sang City Drug Enforcement unit sang Bacolod City PNP gikan sa 61 anyos nga target sang buy-bust operation sa Purok Arao 2 sa Barangay Vista Alegre kagab-i.
Nagabug-at sang kapin 160 grams ang iligal nga droga nga ginabulubanta nagabalor sang P1M.
Ang suspek nga ginakabig high value individual ang ginapatihan miyembro sang Caunda Drug Group suno sa kapulisan.
Na-detain sa Police Station 7 ang suspek nga pasakaan sang kaso angut sa pagsupak sang Republic Act 9165 angut sa paghupot kag pagbaligya sang iligal nga droga.