Indi mag pa gwa ang gobyerno probinsyal sang executive order nga naga himo sang pagpabakuna sang mga empleyado sang kapitolyo nga mandatory.
Ini suno kay Negros Occidental Governor Eugenio Jose Lacson base sa ila nga inisyal nga mga pagtalakay.
May 15 tubtob 20 porsiento sa mga empleyado sang gobyerno probinsyal suno kay Lacson ang wala pa mabakunahan. Padayon nga maga engganyo sa ila ang kapitolyo probinsyal nga mag pabakuna.
May pila naman ka mga banwa kag siudad sa Negros Occidental nga maga require sang pag pabakuna sang mga empleyado nga naga trabaho on-site sandig man sa gin pa gwa nga resolution sang National IATF.
Regular naman nga iga require ang negative RT PCR test result sa mga yadtong wala naka pabakuna agudto maka report sa trabaho. Pila sa mga nag patuman kag maga patuman sini amo ang Cadiz City, Bago City, Don Salvador Benedicto kag Toboso.
“We will not issue any executive order to that effect. We just have to continue convincing our Capitol employees to have themselves vaccinated. But, I also understand that LGUs all over the country are coming up with policies that encourage vaccination. Definitely that’s already been said that we cannot make it mandatory but we can come up with policies that will encourage vaccination,” suno kay Lacson.