Shadow

Kapitol Probinsyal naka partial lockdown

Richard Malihan photo

Naka lockdown sa karon ang Governor’s Office kag Administrator’s Office sa Kapitolyo Probinsyal matapos nga magpositibo sa COVID-19 ang pamuno sang Provincial Incident Management Team.

Suno kay Governor Eugenio Jose Lacson ginpatigayon ang disinfection sa amo nga mga talatapan matapos makabisita si Zeaphard Caelian sa sini nga mga talatapan.

Naka lockdown man ang Provincial Disaster Management Program Division Office kun sa diin naga opisina si Caelian bilang pamuno man sang PDMPD.

Naka skeletal force naman sa karon ang Provincial Health Office suno kay Provincial Administrator Rayfrando Diaz.

Suno sa gobernador nagpositibo si Caelian sa virus sandig sa iya sini nga swab test result nga ginpatigayon antes sya kuntani ang bakunahan para sa COVID-19.

Kahapon nga adlaw, si Caelian kag tatlo ka iban pa nga kaupod sini ang nagpositibo sa virus suno kay Lacson.

Low viral ukon nagapaayo na si Caelian suno kay Lacson sandig sa observation.

Suno kay Lacson siya kag ang staff sang Governor’s Office, Administrator’s Office ilakip na Provincial Health Office ang magapaidalom sa swab test domingo sang aga.

Sang Martes sila ulihi nga nasapol ni Caelian. Naka home quarantine sila tanan nga sa idalom sang talatapan nga gin lockdown.

Maga abiso sa weekend kun san o magabukas balik ang gin sira nga mga opisina pending sang abiso tuhoy sa swabbing.

Leave a Reply

Your email address will not be published. Required fields are marked *

Secured By miniOrangeSecured By miniOrange