Kakulang sang medical professionals, pondo kag pasilidad mangin kabahin sa tagaan atensyon sa natalana nga Health Summit sa Bacolod sa Hunyo. Indi lang ang masami kakulang sang hospital beds kag nurses ang ginapangatubang sang mga tagdumalahan sang ospital sa Bacolod.
Pati mga student nurses kag clinical instructors ang nagadiutay naman sa mga eskwelahan.
Pila lamang in isa mga problema nga suno kay Dr. Eric Saratan, special adviser on health sang Bacolod, nga tagaan atensyon kag solusyon sa natalana nga health summit sa Hunyo 11.
Kabahin ini sang ginahimo nga pagpanghanda sang siudad sa tion nga matigayon na nga mapatuman ang construction sang 5 ka mga ginakabig superhealth centers sa siudad.
Ang mga superhealth centers nga ginaplano itukod sa Barangay Alijis, Bata, Mandalagan, Cabug kag Banago ang ginalauman makapahagan-hagan sang pag-gutok sang regional hospital sa siudad.