Nagdangat sa 200.1 million pesos ang balor sang kahalitan sa tubo kag molasses sa Negros Occidental. Ginapaabot naman ang pagnubo sa production sa masunod nga crop year.
Ini ang pinaka daku nga kahalitan sa Western Visayas sa report sang Sugar Regulatory Administration as of April 15.
177.1 million pesos ang kahalitan sa tubo kag 23 million pesos naman sa molasses.
Suno kay Governor Eugenio Jose Lacson may pinaka dako nga kahalitan ang Negros Occidental bangud ang probinsya man ang may pinaka daku nga sugar production.
Sa SRA report ang Capiz ang may 13.7 million pesos nga kahalitan sa tubo kag molasses kag 1.7 million pesos naman ang gin-report kahalitan sa Iloilo. Naga laum ang Gobernador nga kun mag tupa naman gid ang ulan nga gina forecast sang PAGASA makahatag alibyo ini kag mapahagan-hagan sang kahalitan sa katubuhan. Paabuton suno kay Lacson ang pag nubo sa production sa madason nga crop year. Daku naman ang mangin epekto sini sa probinsya labi na sa buying power sang mga pumuluyo.