Na delay sang duha ka oras ang las onse sang aga nga flight sang Cebu Pacific sang Sabado bangud sa gina istoryahan sang duha ka paahero nga may dala sila nga watusi samtang yara sa eroplano.
Suno kay Civil Aviation Authority of the Philippines Spokesman Eric Apolonio, samtang boarding ang duha ka mga pasahero, nabatian sang cabin crew ang ila gina-istoryahan nga pagpamangkot kun naubos niya tanan ang ‘watusi’.
Ginpahibalo sang crew ang piloto sang eroplano parte sa ‘watusi’ nga ginkabig nga isa ka klase sang ‘firecracker’.
Ginpangabay sang airline company ang tanan nga pasahero nga magpanaug sa eroplano samtang ginpalibot ang K9 units kag security personnel para mausisa ang palibot.
Apang base sa pagpangusisa sa duha ka mga pasahero, ang ila gina tumod nga ‘watusi’ amo ang gay lingo para sa condom.
Bisan nagbook sa masunod nga flight ang duha, gin-hold sila sa kustodiya sang police Aviation Security Group pag-abot sa Manila.
Dugang pa ni Apolinio, prayoridad ang safety sang mga pasahero kag ginpahanumdom ang publiko nga ang mga bomb jokes ang ginakabig nga seryoso kag ini ang may nagakaigo nga penalidad.