Isa ka Barangay sa Calatrava kag duha naman sa Moises Padilla ang yara sa red category sa Election Watchlist Areas.
Ang Minapasuk sa banwa sang Calatrava kag Barangay Macagahay kag Quintin Remo sa Moises Padilla ang nalakip sa red category.
Suno kay Col Leo Pamittan ini bangud sang presensya sang rebeldeng NPA sa lugar.
Sang nagligad lamang nga Agosto 10, napatay ang isa ka pulis kag nasamaran ang duha ka iban pa matapos gin-report gin-ambush sang NPA sa Sitio Calanogan sa Minapasuk.
Pero ginklaro ini sang Pulis nga isa ka encounter ang natabo.
Suno kay Pamittan, ang mga lugar nga yara sa red category ang iga-prioritize bahin sa deployment labi na sa Quick Reaction Force.
Paathag ni Pamittan nabutang man sa red category ang tatlo ka mga barangay wala sang dapat nga kabalak-an bangud nga kontrolado man sang otoridad ang sitwasyon.
Nagalaum man siya nga indi na maglab-ot pa nga ipaidalom sa Comelec control ang natungdan nga mga barangay.