Route plan sa streetdancing and arena dance competition ginpalip-utan agud indi matam-an ang lakat sang trapiko sa MassKara Festival.
Halin sa SM City Mall nagdesisyon ang Yuhum Foundation Incorporated nga isaylo ang starting point sang MassKara Festival street dancing and arena dance competition sa replica sang Bacolod City Government Center sa kilid sang Bacolod Public Plaza sa dalan Araneta.
Ini ang sandig man sa hinyo ni Mayor Albee Benitez agud nga mapalip-ot ang rota sang parade pakadto sa Paglaum Sports Complex kag ma amligan ang ikaayong lawas sang mga dancers.
Suno kay Mate Espina, spokesperson sang Yuhum Foundation, nga indi man abi malipod nga madamo sa mga dancers ang nagakalalipong sa kompetisyon.
Sa sini man nga pamaagi madiutay lang nga rota sang depasahero nga salakyan ang maapektuhan sa igapatuman nga road closure.
Sa Oktubre 7 natalana ipatuman ang re-routing sang mga jeep nga naga agi sa palibot sang plaza kada gab-i dungan sa opisyal nga pagbukas sang tuigan nga selebrasyon.