Inventory sa mga proyekto sang Abang-Lingkod Partylist ipatuman ni Congressman-elect Manuel Frederick Ko.
Luyag mabal-an ni elected Abang-Lingkod Partlylist Representative Manuel Frederick Ko ang status sang tanan nga mga proyekto nga napatuman sang partylist organization sa probinsya.
Gani antes pa man sang ginaplano nga mga infrastructure projects tuyo niya nga mapatuman anay ang inventory.
Kabahin diri ang mga natukod nga mga overhead water tanks sa Bacolod nga suno sa iya indi pa mapat-ud kun may yara sang proper nga turn-over.
Tinutuyo man ni Ko nga mabisitahan ang mga natukod nga mga polisa nga sarang makabulig sa mga mananagat kag mangunguma.
Si Ko nga incumbent board member sang 3rd District sa Negros Occidental ang kaupod nanday Vice Mayor-elect Claudio Puentevella kag re-elected Councilor Jason Villarosa nga nagpanumpa kay Mayor Albee Benitez sang Lunes.