Gikan sa Victorias kag nagbisita lang sa iya kilala sa Sagay City ang Indian National nga ginkilala kay alias Charanjit sang gintiro sang wala pa makilala nga mga persona nga naga-angkasanay sa motor sa Purok Crotons, Brgy. Poblacion 2 sa Sagay Martes sang hapon.
Suno sa kay Police Lieutenant Colonel Alvimar Flores ang hepe sang Sagay City PNP, sakay ang biktima sa iya nga motor kag pag-abot sang biktima sa balay nga iya kadtuan, hinali na lang siya nga gintiro sa likod sang makapila ka beses.
Gilayon nga nagpalagyo ang mga suspek samtang ang biktima ang gindala sa ospital. Nakuha sa lugar sang insidente ang tatlo ka mga basiyo sang caliber .45 pistol.
Estable na ang kondisyon sang biktima suno sa PNP.
Gina lantaw nga posible may kaangtanan sa pagpautang sang biktima ang pagtiro sa iya. May mga gina lantaw na nga persons of interest ang PNP.