Indi maayo sa negosyo ang padayon nga brownout nga gina ekpseriensya karon sa probinsya. Ini suno kay Negros Occidental Governor Eugenio Jose Lacson nga nagpahayag man nga apesar sang sitwasyon wala pa man sang power crisis.
Ma medyusan man sang mga negosyante ang epekto sang padayon nga brownout sa pag gamit sang ila nga mga generator set, pero dugang ini nga gasto suno sa gobernador.
Nahangpan naman sang tanan nga ang problema indi sa distribution kundi mismo sa supply sang kuryente.
Madamo sang generator ang naguba ukon wala naga operate sa karon kag naga laum siya nga sa indi madugay tigayon nga maka balik operate ang mga power generators.
Wala man sang baseload supply ang Negros Occidental, suno kay Lacson, maga pabilin ang probinsya sa pag duso sang renewable energy kag mangin bukas sa kasubong nga mga investment sang sa kaangay sang coal fired power plants.
Padayon ang manual load dropping sa probinsya dala sang kakulang sang power supply kag ini ang naga lawig sa duha tubtob sa tatlo ka oras.
Sa amo nga sitwasyon naga pati ang gobernador nga indi pa man ini makabig nga power crisis pero mag lawig pa gid sarang na makabig nga may yara sang power crisis.
Samtang si Rep. Javier Miguel Benitez (Neg. Occ., 3rd District) nag siling nga ang “Visayas deserves better”.
Dugang pa niya ang konsumedor ang naga bayad sang masobra sa piso per kilowatt hour para sa backup power. Diin na ini? Suno sa kongresista.
Si Benitez ang maga file sang House resolution sa Lunes nga naga direct sa Committee on Energy sa pag summon sa National Grid Corporation of the Philippines (NGCP), Energy Regulatory Commission (ERC), Department of Energy (DOE), kag Independent Electricity Market Operator of the Philippines (IEMOP) para mag paathag sa pila ka mga bagay.
Luyag niya mahibaluan kun pila ang gin bayad sang Visayas consumers para sa ancillary services sa 2026, ano nga mga generator ang nag baton sini, pila ka megawatts sang reserve ang na secure sini kag ang mga petsa para sa bag-o nga supply and transmission sa Visayas.
Iya man ginsiling nga gina tipon niya ang mga lagda sang Visayas congressmen para sa filing sang resolution.
[sibwp_form id=1]