Ginkumpirma ni Atty. Mark Steven Mayo, ang city dministrator, nga nag-resign na si Dr. Jec Cabuguason bilang Assistant City Veterinarian sang Bacolod City.
Suno kay Mayo, sang Oktubre 1 effective ang resignation ni Cabuguason, bangud magapadayon ini sang iya serbisyo sa LGU sang Victorias City.
Nagpasalamat man ang alkalde sang Bacolod sa serbisyo nga ginhatag ni Dr. Cabuguason sa siudad antes siya nagbiya sa posisyon.
Suno pa kay Mayo, sa karon bakante pa ang posisyon nga ginbayaan ni Cabuguason kag wala pa sang may nag-bulos sa iya.
Ginpaathag man ni Mayo nga wala sang problema sa mga pending nga proyekto sang opisina bangud antes pa man siya nagbiya, naka-meeting na ini upod ang mga opisyal sang LGU kag mga animal welfare advocates para masiguro ang padayon nga implementasyon sang mga programa.