Illegal quarry operation pati na ang pagpanghalay sang linabhan sa Bacolod Esplanade napa-untat na sang siudad.
Regular na ang pag patrolya sang katapo sang Public Order and Safety Office sa Bacolod Esplanade sugod nga ginmando ni Mayor Albee Benitez ang hugot nga pagbantay sa lugar.
Ini matapos nga may pila na ka mga kabilya sa mga railings ang ginpangawat kag halos ginhimo na nga halayan sang mga linabhan ang multi-million project sang Department of Public Works and Highways sa kilid sang Bacolod City Government Center.
Suno sa pamuno sang POSO nga si Retired Police General Primitivo Tabujara, ila naman ginpauntat pati ang pagpanghakot sang balas kag bato sa malapit nga sapa.
Sa Esplanade man abi naga-alagi ang mga tricycle nga nagahakot sang balas kag bato.
May nagahaboy man sang basura sa kilid sang sapa nga kabahin sa hugot nga ginadumilian sang siudad.