Sa ika duha nga semana sang bulan sang Pebrero target sang Department of Social Welfare and Development nga maka patigayon sang ikatlo nga tranche sang releasing sang emergency cash transfer para sa mga nagub-an sang balay sang mag-igo ang bagyo Tino.
Suno kay DSWD Negros Island Region Director, Arwin Razo, halos P1.2 billion pesos ang pondo para diri.
Nahuman na hatagan ang mga apektado sa Bacolod gani ang mga magabaton sunod ang gikan sa mga banwa kag siudad nga na igo sang bagyo Tino sa Negros Occidental labi na ang sa 4th kag 5th District, kag lakip man ang Canlaon City sa Negros Oriental.
Halos 20,000 suno kay Razo nga ang ila balay totally destroyed kag 182,000 naman ang partially damaged.
Ang kantidad sang batunon nga cash assistance nabase sa minimum wage sang rehiyon. Gani suno kay Razo indi magnubo sa P10,000 ang mabaton sang may totally destroyed nga mga balay kag indi magnubo naman sa P5,000 ang yadtong partially damaged ang ila nga balay.
Sa kaso sang La Castellana kun sa diin may inisyal na nga nahatagan sang kasubong nga bulig sang pag abot ni Presidente Marcos sa lugar sadtong Nobyembre 15, ini sila ang indi na makabaton.
“Ang target namin is within February. Probably second week of February, we can start the actual distribution. We will strategize so that maayos and orderly ang distribution natin in partnership with local government units kasi hindi ito kakayanin ni DSWD alone. So we need the help of our partner LGUs, just like what we did in Bacolod City”, suno kay Razo.*
[sibwp_form id=1]