Mga internally displaced persons ukon IDP bangud sang paglupok sang bulkan Kanlaon nga wala nagatinir sa evacuation centers ang sarang man makabaton sang bulig pinansyal gikan sa gobyerno.
Isa ini sa mga gin-ayo ni La Carlota City Mayor Rex Jalando-on sa pagbisita ni Presidente Ferdinand Marcos, Jr., sang nagligad nga semana kaupod si DSWD secretary Rex Gatchalian.
Suno sa kay Angie Gelongo ang pamuno sang City Social Welware and Development Office sang siudad may 774 ka mga internally displaced families nga naga puyo sa ila nga mga pamilya kag wala naga istar sa evacuation center.
Tagsa ka pamilya makabaton sang tig P5,000 nga ayuda gikan sa DSWD.
Damlag pa, ang mga IDPs lang nga yara sa evacuation center ang natagaan sang ayuda.
Para kay Gelongo dako ini nga bulig sa amo nga mga pamilya bangud wala pa man sila makapauli sa ila nga mga balay kag indi man ang gobyerno ang nagapakaon sa ila.
Damlag pa ini sila ang nakabaton na sang food packs.