Mayor Albee Benitez nag-appeal sa kay Presidente Ferdinand Marcos, Jr., agud mapondohan ang tatlo ka mga floodgate project nga nakakas sa budget karon nga tuig.
Nakakas sa 2025 General Appropriations Act ang tatlo ka mga floodgate projects nga naduso ni Mayor Albee nga natalana kuntani suguran sang Department of Public Works and Highways karon nga tuig.
Gani sa pagbisita ni Presidente Marcos sa probinsya sang tinalikdan nga Biyernes ginpalab-ot ini sang alkalde kag nagpasalig ang presidente nga mapangitaan ini sang paagi agud mapatuman.
Masobra sa P300M ang naduso nga pondo para sa construction sang floodgate nga may pumping systems agud nga mapahagan-hagan ang problema sa baha sa siudad.
Tuyo sang Bacolod LGU nga mapatigayon ang proyekto sa Magsungay sa Brgy Singcang-Airport, Brgy Mandalagan kag Sum-ag river.