Sa Bacolod City, mahimo na karon nga makatenir sa ila balay ang pila ka mga pasyente nga nakaangkon sang Covid-19.
Base sa executive order nga ginpapanaug ni Mayor Evelio Leonardia, ginapahanugutan na ang isa ka hospital-supervised home isolation para sa mga pasyente nga nagpositibo sa Covid-19.
Pero wala sang may ginabatyag nga sintomas ukon may mild ukon moderate nga sintomas.
Ginpahayag ni Bacolod Emergency Operations Center executive director Em Ang nga makabulig ini decongest sa mga quarantine facilities kag mga ospital sa siudad kag sarang magamit sang mga may severe nga sintomas.
Pero gin athag ni ang nga kinahanglan anay nga makapasar sa assessment kag requirements ang isa ka pasyente para nga mapahanugutan siya sa home isolation.
Isa ka doctor gikan sa accredited nga hospital sang eoc ang maga check sang sitwasyon sang pasyente samtang yara ini sa ila balay.
Ang barangay ang mangin responsable man sa pagbantay sa pasyente para masiguro nga indi ini magwa sa ila balay sa ti-on sang isolation period.