Naghalog na ang mga quarantine facilities sa karon sa mga LGU kag probinsya sang Negros Occidental.
Ini kasunod man sang pagnubo sang active Covid-19 cases kun ipaanggid sa nagliligad nga semana.
As of May 26, 37 percent lamang sa kapasidad sang mga Negros Occidental facilities ang okupado kag 41 percent naman sa mga lgu facilities.
Ugaling sa mga LGU ang Himamaylan nga quarantine facility ang puno kag halos puno man ang Sagay.
Paathag ni Zeaphard Caelian ang Provincial Incident Management commander, indi ang tanan nga yara sa quarantine facility ang positive bangud may yara man sang mga nagahulat sang ila nga mga negative RT-PCR test result.
Naga saka panaog man sa karon ang active Covid-19 case sang Negros Occidental, suno kay Governor Eugenio Jose Lacson antes matapos ang bulan ginahatagan nila konsiderasyon ang pagbalik sang 5 day work week sa Kapitolyo Probinsyal lakip na ang pagpa lip-ot sang curfew hours.
Damlag pa ginsiling ni Lacson nga kun magdangat sa 1,000 ang active Covid-19 cases sang probinsya mahimo nga palip-utan ang curfew hours sandig sa hinyo sang magagmay nga mga negosyante.
As of May 26, 1,323 ang active cases sang probinsya sa datus sang PIMT.