Gusto anay mapat-od ni Negros Occidental Governor Eugenio Jose Lacson kun ano kadamo sa mga empleyado sang probinsya ang wala pa nabakunahan.
Suno sa gobernador basi madala pa man lang sa sugilanon kag makumbinsi nga mag pabakuna. Kun kinahanglan gid, maga issue ang gobernador sang executive order nga maga mando sang mandatory vaccination sa mga government employees.
Damlag pa si Cadiz City Mayor Salvador Escalante ang nag issue na sang memorandum para sa mandatory vaccination sa mga empleyado sang LGU kag si Bago City Mayor Nicholas Yulo naman ang labing nagahaylo sa mga empleyado sa pagpabakuna.
Sa pagbanta sang gobernador, indi lamang sa mga empleyado sang gobyerno probinsyal kundi sa kabilugan may mga 20 porsiento pa ang may pag pangduha-duha sa bakuna.
Samtang, gina abi-abi naman sang Progressive Alliance of Capitol Employees ang mandatory vaccination bilang pamaagi nga ma proteksyonan ang ikaayong lawas sang mga empleyado. Ang respect for the right to life bilang constitutional mandate ang dapat santo man suno sa ila sa safety sang kadam-an.