Mga rice farmers sa sakop sang sur sang Bago River Irrigation System ang nag sugod na sang ani. Maayo nga production gina lauman.
Ginsiling ni Pedro Limpangog ang presidente sang Federation of Irrigators Association-Bago River Irrigation System ukon FIACN-BRIS, may mga mangunguma nga mga 10 percent na sa ila nga ani.
Pero sa una nga semana pa sang Setyembre gina paabot nga mangin full swing ang harvest.
Suno kay Limpangog, may iban nga mga irrigators association nga tigayon naka-ani sang 5 tons per hectare. Mas mataas sa sadto anay 4 tons per hectare. Pero ang target amo nga kuntani magadangat sa 6 tons per hectare.
Indi malikawan suno kay Limpangog nga may mga tion gid nga may mga gina atubang nga mga pag panghangkat rason nga apektado ang volume sang ani.
Padayon sila nga naga laum nga indi sila malab-utan ukon maigo sang malain nga panahon agudto tigayon malambot ang 6 tons per hectare nga produce.
Mayo man ang presyuhanay sang palay karon bagay nga makabulig sa mga mangunguma.
24 per kilo tubtob sa 26 per kilo ang presyohanay karon sang fresh palay.
“Indi naton malikawan no sa amo ni siya nga mga period nga damo sang problema ang aton mga humayan. Pero gina lantaw naton nga sa tayuyon, nga pag-ani ga sugod pa man lang mong. Ang naga kauna mostly amo na ang naga ka damage sa sapat. Kabay pa tani nga indi malambot sang malain nga tiempo ang nabilin pa nga alanihon naton para malambot naton ang 6 tons nga gina pangita naton para sa food sufficiency sang probinsya”, suno kay Limpangog.
[sibwp_form id=1]