Pinaagi sa isa ka sulat, ginpabutyag sang mga nagasagod sang baboy sa Bacolod City LGU, nga halos mapierde na sila bangud sa tuman ka nubo nga live weight price sang baboy.
Sandig sa ila nga sulat, sa slaughterhouse sang Bacolod yara lamang sa 120 per kilo ang baklanay sang ila mga buhi nga baboy.
Ini ang mas manubo sang sa 160 to 170 pesos per kilo nga baklanay sang buhi nga baboy sa probinsya.
Ginapangabay sang mga hog raisers ang siudad nga usisaon ang mga traders kun ginatuman gid nila ang mga existing laws kag regulations sang siudad.
Suno sa ila, masami nga nagapamentaha ang iban nga mga traders, apang ang mga hog raisers ang nagakapierde.
Ginsiling naman ni Councilor Thaddy Sayson, nga gin talakay na sa Sangguniang Panlungsod ang amo nga sulat kag gin-refer na ini sa talatapan ni Bacolod City Mayor Greg Gasataya agud maaksyonan.
Suno sa iya, posible nga ang pag nubo sang presyo sang baboy ang tuga man sang importation kag epekto sang African Swine Fever ukon ASF.
Sa Bacolod City, padayon naman ang random testing sang City Veterinary Office.
[sibwp_form id=1]