Shadow

Halit sang ulan sa pananom nagdangat sa P30.4M   

Nagdangat sa 30.4 million pesos ang halit nga natuga sa pananom sang low pressure area sang nagligad nga semana nga nagdala naman sang pagbaha sa pila ka bahin sang Negros Occidental. 

Sa initial report ni Provincial Agriculturist, Edmundo Raul Causing kay Negros Occidental Governor Eugenio Jose Lacson, 30,465,365 pesos ang balor sang  halit sa pananom, kag ang halit sa palay ang may pinaka dako nga gin report – 29,774,965 pesos.

136,800 ang halit sa mais kag  553,600 ang sa high value commercial crops.  

Nalakip sa mga lugar nga may ginreport nga halit sa pananom amo ang Escalante, Cadiz, Sagay City, Silay City, Valladolid, La Carlota City, Bago City, San Enrique, Cauayan kag Candoni.

Secured By miniOrangeSecured By miniOrange