Spokesperson ni Mayor Albee Benitez nga si Punong Barangay Caesar Distrito ginpanginwala nga nakadesisyon na ang alkalde nga mag switch sang pwesto kay Cong. Greg Gasataya.
Ginpanginwala ni Punong Barangay Caesar Distrito nga may desisyon na si Mayor Albee Benitez angut sa plano sini para sa 2025 local elections.
Ini kasunod sang alegasyon nga si Benitez ang maga switch sang position bilang kongresista para kay mangin outgoing Congressman Greg Gasataya nga amo naman ang mangin option bilang alkalde sang siudad.
Nanindugan si Distrito nga naga-serbe spokesperson sang alkalde nga sa karon nagapabilin ang five options ni Mayor Albee kag ang alkalde na ang ang maga-anunsyo sang iya napili nga desisyon.
Nalakip sa ginpabutyag sang alkalde ang plano nga liwat nga magpapili sa mayoralty elections, magpapili sa pagka-Senador ukon kongresista, magbaton sang Cabinet position ukon magpahuway sa pulitika.