Nag patigayon sang International Learning and Solidarity Mission ang naga tuyo sa pag file sang Writ of Kalikasan kontra sa Hacienda Asia Plantation, Inc. ukon HAPI.
Kun san-o ang pag file sini ang indi pa nila mapat-od suno kay RJ Ledesma ang campaign officer sang Hakson, Inc.
Sa isa ka press conference kaina sang aga ila nga gin-present ang ila gina alegar nakit-an nga mga pagsupak sa kinamatarung, lakip na ang environmental destruction sa Candoni palm oil plantation.
Mga nagkalain-lain nga local kag international organization gikan sa Negros kag iban nga bahin sang pungsod ang nag padulong sa Brgy Gatuslao sa Candoni sang Oktubre 12 – 13 para magpangusisa.
Nalakip sa ila nga initial findings amo ang human rights kag labor violation, gina-alegar harassment, forced displacement kag seryoso nga kahalitan sa local water sources.
Ila ginsiling nga ila nakit-an ang environmental degradation tuga sang massive tree cutting.
Ang deforestation nagresulta suno sa ila sang pagkadula sang wildlife habitat.
Ang earthmoving activities kaangay sang quarry ang nag tuga sang severe soil erosion.
Pila sa ila nga recommendation amo ang pag revoke sang IFMA sang HAPI.
Ang operations sini dapat ma untat. Dapat pasakaan sang nagakaigo nga kaso.
Tuyo nila nga mag file sang writ of Kalikasan.
Dapat man mag patigayon ang legislative investigation suno sa ila kun paano ang IFMA kag iban nga kaangay nga management agreements ang gina gamit sa pag displace sang mga farmers kag indigenous peoples.
Damlag pa ang HAPI, Inc ang gin papanaugan sang Cease and Desist Order sa tuyo nga ma untat ang earthmoving activities sini pending sang pag kuha nila sang Environmental Compliance Certificate.