Ipatuman sang siudad sang Bacold ang color-coding system sa mga eskwelahan matapos ang mga nabatyagan nga paglinog sa siudad.
Suno kay City Engineer Loben Rafael Ceballos, masobra sa 30 ka mga eskwelahan ang ginpaidalum sa Rapid Damage Assessment and Needs Analysis ukon RDANA agud mahibaluan ang kahimtangan sang ila mga buildings.
Suno kay Ceballos ang green ang naga pakita nga safe ang isa ka building ukon structure, yellow para sa caution ukon ginapahalungan kag red naman kun unsafe ukon delikado na para gamiton.
Ang inisyatibo, suno sa City Engineer’s Office, kabahin sang ginahimo nga pagpasiguro sa seguridad kag kahandaan sang mga estudyante kag personnel sang eskwelahan sa tunga sang mga nagakatabo nga kalamidad.