Third District Representative Javier Miguel Benitez ang naga panawagan sa nag kalain-lain nga mga ahensya sang gobyerno nga mag patuman sang naga kaigo nga tikang agudto masabat ang problema nga gina atubang karon sang industriya sang kalamay.
Sa post sa iya nga Facebook page ginsiling ni Benitez nga ang gina atubang nga problema karon sang industriya ang indi na bag-o.
Siya ang nagapanawagan sa Deparment of Agriculture, sa Sugar Regulatory Administration, sa Provincial Government sang Negros Occidental lakip na sa mga traders nga mag aksyon.
Naga lakip ini sang pag patuman sang tikang para ma stablize ang farmgate price sang kalamay, pag paseguro sang patas nga trade, kag lubos nga pag patuman sang SIDA law agudto ma modernize kag mga pangapinan ang sugar industry.
Kun apektado ang Negros suno sa iya ang sugar industry sa pungsod naga batyag man sini.
Kahapon, nag file si Benitez sang House Resolution no. 373 nga nga haylo sang House of Representatives paagi sa Committee on Agriculture and Food, Trade and Industry, kag Labor and Employment nga magpatigayon sang inquiry in aid of legislation angut sa pag sarurot sang millgate price sang locally produced sugar sa probinsya kag ang economic impact sini sa producers kag laborers.
Iya ginsiling nga bilang “Sugar Bowl of the Philippines” ang probinsya naga deserve sang nagakaangay nga presyo kasubong man mga polisa nga naga pangapin sa mga mangunguma, mga planters kag sang mga trabahante.
Suno kay Benitez 1.8 million metric tons ang gina produce sang Negros Occidental, masobra sa katunga sa national nga total sugar output.
Suno sa iya nanaog sa P2,200 per 50 kilogram bag ang presyo, halos P300 nga mas manubo sa standard production cost nga P2,500.
Ang amo nga tikang suno sa iya ang magapangita sang kalubaran para ma stablize ang sugar price kag ma amligan ang palangabuhian.