Governor Eugenio Jose Lacson ang naga panugyan sa publiko labi na sa mga supporters ni Anay Presidente Rodrigo Duterte nga sundon ang ginsiling ni FPPRD nga mag relax bangud may katapusan gid ang tanan.
Sang Biyernes, matapos mabisita ni Vice Presidente Sara Duterte ang iya nga amay sa detention facility sa the Hague, iya ginsiling sa mga Duterte supporters ang mensahe ni FPPRD nga may yara gid sang Day of Reckoning gani mag relax lang.
Para kay Lacson mas maayo nga mangin kalamado ang tanan, kay bisan gani si anay Presidente Duterte ang naga panugyan sini.
Ang pagbahin-bahin, wala sang maayo nga madala sa pungsod suno sa kay Lacson.
Indi man malikawan nga may epekto ini nga indi maayo sa ekonomiya.
Pero sa karon nagapabilin pa man nga mataas ang pagsalig sang investor sang pungsod suno sa iya.
Wala na si Lacson naghatag pa sang iya nga opinyon bahin sa nangin tikang sang gobyerno sa natabo kay Duterte.
Paathag niya indi man siya abogado nga may ihibalo sa legal nga mga proseso.
Tigaylon nag panawagan siya sa publiko sang pag pangamuyo para sa pungsod.