Nagpuog ang aso kag nag daba- daba ang kalayo sa Purok Ipil-ipil, Barangay 1, sa San Carlos City Sabado sang hapon.
Sa Video nga kuha ni Edwin makita pa nga naga kinarankaran ang mga residente.
Patay ang lima ka tuig nga bata nga babaye.
Ginkumpirma sang pamilya sang lima ka tuig nga bata sa Bureau of Fire Protection nga ila nga anak ang nasapwan nga patay sa kwarto sa ila nga balay.
Nagakatulog ang bata sang matabo ang sunog.
Gina alegar nga nagbalik pa sa nagakasunog nga balay ang bata rason nga na trap ini kag nasunog.
Sa report sang CDRRMO sang San Carlos City, 26 tanan ka mga pamilya ang nawad-an sang puluy-an ukon masobra sa isa ka gatus ka persona.
Nagapadayon ang imbestigasyon sang BFP kun ano ang ginsuguran sang kalayo, apang base sa inisyal nga pagpangusisa, gina-alegar nagsugod ang kalayo sa balay ni Norisa Era.
Kalabanan sa mga balay nga nasunog ang himo sa mga butang nga madasig masunog.
Temporaryo nga nag tinir sa covered court sang barangay ang mga nagkalasunogan.