Nagalaum si Negros Occidental Governor Eugenio Jose Lacson nga ang mangin bag-o nga administrasyon pag abot sang 2022 maga suporta sa pag balik sang Negros Island Region.
Suno kay Lacson, majority kun indi man tanan, sa mga Negrosanon ang gusto sang NIR.
Wala man nag bag-o ang iya nga panindugan bahin diri. Pero kuntani suno kay Lacson kun tigayon gid man nga mabalik ang NIR, ipaagi ini sa isa ka layi kag para man nga mapainan sang pondo.
Ang pag tuga sadto sang NIR sa administrasyon Aquino ang paagi sa isa lamang ka executive order.
Sang pagbisita ni Vice President Leni Robredo sang Biernes sa probinsya ang pagbalik sang Negros Island Region isa sa iya nga mangin top concerns para sa Negros. Si senatorial aspirant Alex Lacsonn damlag pa ang nagpabutyag man sang suporta para sa isa ka layi sa pagbalik sang NIR.
Nagapati sila nga bentaha kag higayon para sa Negros Occidental kag Oriental ang pagtuga sadto sang one island region.
“Ang akon stand sina has not changed. And so we hope, that the next administration will consider reviving again the Negros Island Region. This time supported by law para matagaan man sang funding,” suno kay Lacson.