Gina abi-abi ni Negros Occidental Governor Eugenio Jose Lacson ang gina duso nga pagbalik liwat sa Hunyo ang pagbukas sang klase.
Sini nga school year 2023 – 2024, Agosto 29 nagbukas ang klase sa mga pampubliko nga eskwelahan kag gina paabot nga maga sira ang klase sa bulan sang Hunyo sini nga tuig.
Suno kay Governor Lacson, sa dalagan sang ginliwat nga opening and closing schedule naga tupa ang summer ukon ang tig-ilinit sa school days, nga naga apekto sa mga kabataan.
Indi man ma negar suno kay Lacson nga ang mga pampubliko nga eskwelahan wala sang airconditioning units sa mga hulot klasehan.
Sang nagligad nga tuig may na report nga nose bleeding sa pila ka eskwelahan sa Western Visyaas sang naga klase sang tion sang summer.
Sa closing naman sa schedule subong suno kay Lacson, igo lang nga tig-ululan naman kag wala na sang higayon ang mga kabataan nga maka enjoy sang ila nga break.
Sang Lunes ang House Committee on Basic Education and Culture ang nag adopt sang resolution nga naga suporta sa mga proposal nga naga balik sa daan nga June to March nga calendar gikan sa August to June nga schedule.