Konseho nagapangayo sang paathag sa ginapatuman nga reclamation project sang Philippine Ports Authority sa Barangay Banago.
Natingala si Councilor Jude Thaddeus Sayson kun ngaa natigayon kag karon malapit na matapos ang.ginapatuman nga 2- hectare reclamation project sang PPA sa Banago Port sa Bacolod City.
Ginsiling ni Sayson nga wala siya sang may nadumduman nga issuance sang Resolution of No Objection ukon RONO gikan sa konseho para sa amo nga reclamation project.
Gani nagahinyo man karon sang paathag ang Sangguniang Panlungsod halin sa pamunuan sang PPA agud mapat-ud kun para sa diin ang reclamation project.
Luyag mapatpat ni Sayson nga amo ang pamuno sang Committee on Finance sang konseho kun pila ang share nga sarang mabaton sang siudad sa amo nga reclamation project.