Panaad sa Negros Festival ang natalana sa Abril 15 tubtob 21.
Ini suno kay Negros Occidental Governor Eugenio Jose Lacson nga nagsiling man nga maga serbe si Provincial Tourism Officer Cheryl Decena nga mangin pamuno sang Executive Committee.
Maga sapol pa ang execom para sugdan ang mga plano kag programa para sa tuigan nga kahiwatan sang gina kabig festival of festivals sa probinsya.
Kun ano man ang assistance nga gina hatag sang probinsya sa mga LGU bahin sa preparasyon sini sa tagsa ka mga booth ang sa gihapon igahatag.
Gina lauman sang gobernador ang kooperasyon sang tagsa ka banwa kag siudad.
Gina paabot man ni Lacsonnga sa gihapon tigayon nga maga hatag sang kalingawan ang Panaad sa Negros Festival sa ma bisita sini.
Sarang ma eksperiensya sa Panaad ang kultura kag masaksihan ang sinadya lakip na ang mga proudkto sang nagkalain-lain nga mga banwa kag siudad sa Negros Occidental.