Kun tugutan man lamang siya, handa nga mag pabakuna sa Sinovac si Negros Occidental Governor Eugenio Jose Lacson
Padayon ang iya nga paghaylo sa mga publiko nga magpabakuna kontra COVID-19. Mas maayo nga may bakuna suno sa iya sang sa mask lamang sa pagpamatuk kontra COVID-19.
Sa Domingo natalana ang pagbakuna sang Sinovac sa mga health workers sang Riverside Medical Center kag Corazon Locsin Montelibano Memorial Regional Hospital mga ginakabig level three COVID-19 referral hospital.
Suno kay Lacson kabahin man ini sang confidence building para sa bakuna. Sa bahin sang probinsya maga hinyo si Lacson nga malakip man ang mga first level kag second level COVID-19 referral hospitals.
Padayon ang pagpanghanda sang probinsya sa vaccine roll out kag sa murcia na patigayunon ang simulation agudto masaksihan ini sang iban man nga LGU.
Ginaplastar man ang Barangay Capitolyo para sa vaccine roll out sa mga empleyado sang Kapitolyo.