Para kay Negros Occidental Governor Eugenio Jose Lacson, nagakaigo nga hatagan sang higayon ang isa ka incumbent administration nga mag pangalagad sa pumuluyong Pilipino.
Kun nag panawagan man sa isa ka pagtipon-tipon sa Davao, si Mayor, Sebastian Duterte, ang kamanghuran nga anak ni Anay Presidente Rodrigo Duterte nga mag resign sa pwesto si Presidente Ferdinand Marcos, Jr., ini ang personal nga opinyon sang akalde.
Ini ang pagpati ni Governor Lacson, nga nagsiling indi maghatag sang impression nga ang pungsod divided ukon may pagbahin-bahin, bangud kun ini ang matabo, maga sira ang mga business opportunities.
“We should always give ang incumbent the opportunity to do sevice to the Filipino. We should not give the impression that the country is now divided, because if the happens automatic, business opportunity will just close its doors”, suno kay Lacson.
Tamaran suno kay Mayor Baste ang presidente kag wala sang kaluoy sa mga pumuluyo.
Sa amo man nga patipon-tipon ginsiling sang anay presidente nga naga gamit saang iligal nga droga ang presidente kag ginpaandaman nga basi mangin kasubong ang matabo sa iya, sa iya nga amay, Ferdinand Marcos, Sr. Nag panawagan sang pagpamatuk si anay presidente Duterte sa pag amend sang constitution sa amo nga pagtililipon.
Naga pati man si Gov Lacson nga mayoriya sang mga Pilipino ang nagasuporta sa gihapon kay presidente Marcos.
“I do believe that majority of the Filipinos still support the president”, suno kay Lacson.
Naimbitar si Lacson sa Bagong Pilipinas rally kahapon pero wala siya makatambong kay nagpauli siya sa Negros bangud sang family matters.